Ёса Бусон \1716-1783\ Осакагийн ойролцоох тосгонд чинээлэг газрын эзний хүү болон төрсөн. Тиймээс бага залуу насандаа гэрийн маш сайн боловсрол эзэмшсэн. Идэр залуудаа хайкү мастерт шавь орж, хайкү шүлэг бичиж эхэлжээ. Мөн тэрээр бийрэн бичлэг, зураг зурах, ер бийр бэх, бичгийн урлагт гарамгай нэгэн гэдгээ харуулж Мацүо Башёгийн араас нэрлэгдэх хайкү шүлэгч, уран зураач болсон юм. Өдгөө тэрээр Японы Хайкүгийн дөрвөн их мастерийн нэгээр зүй ёсоор тооцогддог билээ.